Sae nevimata

Palo harno thaj barro nasvalipe mulo o Fejat Sejdić

Amaro a themesko Feat Sejdić palo harno thaj barro nasvalipe, ando eftavardeš thaj šovto brš mulo ando piro bijando than Bojnik.

Pindžardo sargo Romano bardo, manuš savo o bašalipe pe trumpeta vazda po majvučo nivelo phirda thaj sikada saste themešće kozom si barvali e romani kultura, đilabada thaj bašalda majpindžarde themšeće manušenđe, a pire trumpetava bašalda džezo, bluz, klasicno bašalipe jećealaveja bašalno pale se vrjama. Ande lesko 14 trajosko brš teljarda pire dadesa, Kadrijasa te đilabel ande trumpeta. Crdape andar o đilabipe 2000. brš kana pe leko than avilo lesko njepoto, unuko Nebojša Sejdić savo lundžarda lesko đilabipe. Leski trumpeta ašunenas e manuša sargo kaj sas o Josip Broz Tito, Šarl de Gol, princo Tomislav Karađorđević, Zoran Đinđić, Milo Đukanović, Orson Vels, Vili Brant, Leonid Brežnjev, Ričard Barton, anglikani thagarni Elizabeta Dujto thaj aver. Po Dragačevsko sabori ande Guča lija but trajoske dićimata. O Fejat Sejdić avela prahom pe gavešće limorja ando Bojnik.

Share this article

Ostavite vaš komentar i ovde...

Još vesti iz kategorije...

Newsletter

Prijavite se na Newsletter i dobijajte najnovije vesti u vaš inbox
Top